ALTITUDE jamoasi “SAP Business Unleashed: Innovation Day” tadbirida ishtirok etdi

16-aprel kuni Toshkent shahrida o‘tkazilgan “SAP Business Unleashed: Innovation Day” tadbiri doirasida ALTITUDE kompaniyasi SAP tomonidan taklif etilgan yagona texnologik homiy sifatida ishtirok etdi.

Ushbu tadbirda sun’iy intellekt va bulutli texnologiyalar orqali biznesni raqamlashtirish, tezkor qarorlar qabul qilish va jarayonlarni avtomatlashtirish bo‘yicha dolzarb yechimlar muhokama qilindi. Tadbir ishtirokchilari SAP ekotizimidagi eng yangi texnologiyalar bilan yaqindan tanishish imkoniyatiga ega bo‘lishdi.

ALTITUDE jamoasi o‘z maxsus burchagida SAP ERP yechimlarining yangi avlod imkoniyatlari hamda raqamli transformatsiyaga xizmat qiluvchi innovatsion vositalarni jonli demonstratsiya qilish orqali mijozlarga namoyish etdi.

Biz uchun bu tadbir nafaqat o‘zimizni namoyish qilish, balki SAP hamjamiyati bilan fikr almashish, yangi hamkorliklar o‘rnatish va kelajakdagi loyihalar uchun mustahkam asos yaratish imkoniyati bo‘ldi.

Agar siz ham SAP’ning eng yangi yechimlariga ega bo‘lishni istasangiz — ALTITUDE jamoasiga murojaat qiling!